प्रमको सपनामा होची मिन्ह
नेपालका साम्यवादी प्रधानमन्त्री ओलीजी संयुक्त राष्ट्रसंघमा प्रतिनिधित्व गर्न गएको बखतमा भियतनामका स्वर्गीय प्रधानमन्त्री श्रीहोची मिन्ह अचानक सपनामा प्रकट भए र प्रमसंग एस्तो कुराकानी भयो :
प्रम ओली : ओहो, कमरेड सारै खुसी लाग्यो | अहिले नेपालमा साम्यवादीहरूको सरकार छ नि !
मिन्ह : तै थाहा पाएर त सपनामा आएको हुँ |
प्रम ओली : खुसी लाग्यो कमरेड |
मिन्ह : धन्यवाद, अनि सम्माननीयले के काम गर्नुहुन्छ नि ?
प्रमओली : म प्रधानमन्त्री छु | दूई कम्निस्टले सर्वसहमतिबाट |
मिन्ह : ए, अनि हजुरको पेशा के छ नि ?
प्रम. ओली : अलि बुझिन श्रीमान् ? नेपालमा राजनीति गर्नेको खासै यही नै पेशा हुन्छ |
मिन्ह : हो र श्रीमान् ! मेरो पेशा त कृषि हो | विहानै उठेर खेतवारीमा काम गर्छु | अनि, दिउसो भने जनताको सेवा गर्न प्रम अफिस जान्छु |
प्रम ओली : (सुनेको नसुनै)
मिन्ह : हाम्रा सबै सरकारी प्रतिनिधिले आफ्नो परिवार पाल्न आफ्नै पेशा गर्छन् | तेसो भए नेपालमा राजनीति गर्नेले के गर्छन् नि ?
प्रम ओली : हुँ !!
मिन्ह : राजनीति नै पेशा हुन्छ नेताको भन्नु भएको हो ? अचम्मै रहेछ त पेशा नै नगरी परिवार पाल्ने !!
प्रम.ओली तेस्तै भन्न पर्ला |
मिन्ह : हाम्रा त बालबालिकाहरूको शिक्षा दीक्षाको खर्च पनि आफैले गर्नुपर्छ | जम्मै नेताका छोराछोरी सरकारी विद्यालय जान्छन् |
प्रम. ओली : हाम्रो पनि नीति त तेही हो |
मिन्ह : अनि, कति नेता र कार्यक्रता हुनुहुन्छ नि ?
प्रम ओली : हामी करिव पाँचलाख सदस्य भएको पार्टी हौँ | दक्षिण एसिया मै हाम्रो डंका बढ्छ |
मिन्ह : (मन मनै) तेसै भएर एतिबिध्न स्थानीय निकाय, जनवर्गीय सङ्गठनहरू र राज्य संयन्त्र बनाएको होला | जुन देशका नेताहरूको राजनीति नै पेशा छ, तेस्तो देशमा भष्टाचार त देउता नै बुझे हुन्छ |
प्रम ओली : के सोच्न थाल्नु भो कमरेड ?
मिन्ह : सोच्दै छु, म साम्यवादी नै भए पनि बुद्ध र पशुपति नाथको दर्शन गर्छु | किनभने नेपालको कल्याण यिनैले गर्छन् | जय नेपाल |
प्रम ओली : हेत्तेरिका, निंद किन न खुलेको होला ?!
